PRJEDY HAČ WOTEŃDŹEŠ

FOTOGRAFIJE MAĆIJA BULANKA A TEKSTY RÓŽE DOMAŠCYNEJE

We wobłuku Zhorjelskeho fotoweho festiwala „Městna podawkow” je wustajeńca wopytowarjam w dwěmaj dźělomaj přistupna:

1/2 >> 05.09.-27.09.2019 w cyrkwi Našeje Knjenje, dróha An der Frauenkirche čo. 1, Zhorjelc, stajnje póndźelu do njedźele 11:00-17:00 hodź.
2/2 >> 31.08.-22.09.2019 w „Kultourpunkt“ na dwórnišću, Dwórnišćowa čo. 76, Zhorjelc, stajnje pjatk do njedźele 14:00-18:00 hodź.

W cyrkwi Našeje Knjenje poskići so přeco póndźelu, srjedu a pjatk w 12:00 hodź. připołdniše wodychnjenčko z meditaciju a hudźbu na pišćelach.

Přewodźace zarjadowanje: čitanje a rozmołwa z wuměłcami dnja 19.09.2019 we 18:00 hodź. w cyrkwi Našeje Knjenje

Wustajeńca so w kooperaciji ze Serbskim muzejom pokazuje.

.

Sorbisches Museum      Landkreis Bautzen

Copyright Matthias Bulang
Copyright Matthias Bulang

PRJEDY HAČ WOTEŃDŹEŠ

Něhdźe 25 lět je nowinski fotograf Maćij Bulank (* 1956, Budyšin) poslednje žony we Łužicy portretěrował, kiž wšědnje serbske chodźa. Dojědźe sej k nim domoj, fotografowaše je při wukonjenju swojeho powołanja, při dźěle na polu abo na jich statoku, zapopadny je w kruhu dźěći a wnučkow. To su klasiske čorno-běłe fota, zhotowjene z normalnej platowej kameru.

W zhromadnym dźěle ze spisowaćelku Róžu Domašcynej (* 1951, Sernjany) a z komponistom Měrćinom Weclichom (* 1957, Worklecy) nastaštej z titulom „Prjedy hač woteńdźeš“ jimaca publikacija a wustajeńca.

https://www.domowina-verlag.de/prjedy-hac-wotendzes-bevor-du-gehst.html